TT. Bano — Kyhpachatuh hnei khao va na -TT. Bano

KYHPACHÂTUH HNEI KHAO VA NA

1.Laihna khizaw lia lyna noh,
Chhiphana maih lia he;
Kyhpachâtuh hnei lei hârâ kei he,
Hrona sôhpa hlâta thina tlyh via lei thei va na.

Chorus:
Rianai vaw kua hala, chhithai vaw kua hala
Nâ lei ke he kyhpachâtuh hro rai hnei khao va na.

2.Ei nô na sanôpi chama liah-ri naw a pa tly,
Chana vâsâh pachârôh ngiarohna;
Nôpona khô lâ thina zawdâh chaka ngiatiah va.

3.Hazo chôthlahpinô khaihpa nyuna ry lia na khi,
Chana chôta râh to su to sai na;
Hârâ vâdua hro vâsâh peirâh vâ lei thei va na.

4.He lei lyna daihti chyhta ei hro noh chhôh lia he,
Ei kyhpachâ paw ti thei tlôh na va;
Lyna BEIPA ei hrona he,
Rie naw la ha mah y.

TT. Bano — Kyhpachatuh hnei khao va na -TT. Bano